ყოფილი პარლამენტარი სოსო ჯაჭვლიანი On.ge-სთან საუბრისას აცხადებს, რომ, ფოტო ყველამ იქ უნდა გადაიღოს, სადაც უნდა.

საქმე ეხება ახალგაზრდა კაცის მიერ გადაღებულ შიშველ სურათს სვანეთის ფონზე, რის გამოც მას ბოდიში მოახდევინეს.

"მერე რა მოხდა, ვისაც რა უნდა ის გადაიღოს, ბოდიში რომ მოახდევინეს, თქვენ ამას სერიოზულად აღიქვამთ? რა დონეზე გვაქვს სვანებს იუმორი, რომ სვანურ იუმორს ვერ ხვდება ხალხი, ამიტომ ლექციები უნდა ჩავატაროთ ხშირ-ხშირად, რომ სვანური იუმორი გაიგონ, ამიტომ ვერ ხვდებოდნენ იბიარდის (EBRD) მნიშვნელობას, საზოგადოება ამას სერიოზულად აღიქვამს? საზოგადოება ის რაღაც თავიანთი გაჭირვებები აქვს, მე ამას ვუყურებ იუმორის თვალით, საერთოდ სურათი ვისაც რა უნდა და სადაც უნდა, იქ უნდა გადაიღოს. მისი ნებაა, გაიგეთ? თუ ვინმეს ამით აზიანებს, პირველ რიგში თავის თავს, ამიტომ ეს არის იუმორი ჩემთვის".

სოსო ჯაჭვლიანის თქმით, ის იუმორად აღიქვამს ფაქტს, რომ პირს, შიშველი ფოტოს გადაღების გამო ბოდიშის მოხდა მოუწია.

ჯაჭვლიანი ასევე აცხადებს, რომ თანამდებობაზე, რომელიც პრემიერმინისტრმა მას აგვისტოში შესთავაზა, უახლოეს დღეებში დაინიშნება.