რუსთავი 2 ქართული ოცნების სავარაუდო მაჟორიტარობის კანდიდატების სიას აქვეყნებს. მათ ოფიციალურ წარდგენამდე სამი დღე დარჩა. მმართველი პარტია მაჟორიტარ კანდიდატებს ოცდაათივე ოლქში წარადგენს.

რუსთავი 2-ის ვერსიით, ქართული ოცნების კანდიდატების სია მაჟორიტარულ ოლქებში ასეთია:

1. დიმიტრი ხუნდაძე — მცხეთა;
2. დავით სონღულაშვილი — გურჯაანი;
3. გოგი მეშველიანი — ბოლნისი;
4. თორნიკე რიჟვაძე — ბათუმი;
5. დავით სერგეენკო — საბურთალო.

რუსთავის 2-ის სავარაუდო სიაში იყო სოზარ სუბარიც, თუმცა მაჟორიტარული ოლქი მითითებული არ ჰქონდა.

20 ივლისს ქართული ოცნება 2020 წლის საპარლამენტო არჩევნებისთვის წინასაარჩევნო კამპანიას გახსნის და საქართველოს მასშტაბით მაჟორიტარი დეპუტატების კანდიდატებს დაასახელებს.

მმართველი პარტიის მიერ გავრცელებულ განცხადებაში არაფერია საუბარი პარტიული სიის დაკომპლექტებაზე.

არჩევნების თარიღი ოფიციალურად გამოცხადებული არ არის, თუმცა კონსტიტუციის თანახმად, ის ოქტომბრის ბოლო შაბათს 31 ოქტომბერს უნდა გაიმართოს.