თბილისის მერია მეტროსადგურ გოცირიძის რეაბილიტაცია-რეკონსტრუქციას იწყებს. ამის შესახებ დედაქალაქის მერმა, კახა კალაძემ მუნიციპალიტეტის მთავრობის დღევანდელ სხდომაზე განაცხადა. პროექტის ღირებულება 1 010 851 აშშ დოლარია.

"მეტროსადგურ გოცირიძის რეაბილიტაციაზე გამოცხადებული გვქონდა ტენდერი. გვყავს გამარჯვებული კომპანია. ხელშეკრულება გაფორმებულია და მომდევნო დღეების განმავლობაში, სამუშაოები დაიწყება", — განაცხადა კახალაძე.

როგორც მერმა თქვა, მეტროსადგურის სრული რეაბილიტაცია-რეკონსტრუქციის ფარგლებში, გადაიხურება მეტროსადგურის ბაქანი; მოხდება სადგურის ადაპტაცია შშმ პირთათვის; დამონტაჟდება ორი ლიფტი და მოეწყობა სპეციალური ტაქტილური ბილიკები; რეაბილიტაცია ჩაუტარდება, როგორც სადგურის ვესტიბიულს, ასევე ბაქანს; განახლდება და გარემონტდება თანამშრომლების სასამსახურო ოთახები; განახლდება გახმოვანების სისტემა; გამოიცვლება სადგურის ელექტროსისტემა.

ფოტო: თბილისის მერია

ფოტო: თბილისის მერია

ფოტო: თბილისის მერია

ფოტო: თბილისის მერია