პარლამენტის ვიცე-სპიკერი გია ვოსლკი "უგვანოს" უწოდებს საერთაშორისო გამჭვირვალობა — საქართველოს კვლევას და მოუწოდებს მათ "გარკვეული ქეისები დადონ", სადაც ეჭვი ეპარებათ, რომ სასამართლოს დამოუკიდებელ გადაწყვეტილებაში.

"როცა გარკვეულ სტანდარტს თესავ, მითუმეტეს, ამაში გეხმარება ძალიან დიდი რესურსი არასამთავრობო ორგანიზაციების, გარკვეული მედიასაშუალებების, ესეთი შთაბეჭდილების შექმნა არ არის ძნელი. მაგრამ, ფაქტია, რომ საერთაშორისო რეიტინგებში ჩვენი სასამართლო არის პირველ ოცეულში და ძალიან ბევრ ევროპულ ქვეყანას უსწრებს წინ", — განაცხადა ვოლსკიმ.

ეს პირველი შემთხვევა არ არის, როდესაც მმართველი გუნდის წევრები არასმათავრობო ორგანიზაციებს მადესკრიდიტირებლად მოიხსენიებენ და მათი კვლევების სანდოობას ეჭვქვეშ აყენებენ.

საერთაშორისო გამჭვირვალობა — საქართველოს კვლევის თანახმად, გამოკითხულთა 45% მიიჩნევს, რომ სასამართლო სისტემა მმართველი პარტიის, ხოლო 40% თვლის, რომ კლანის გავლენის ქვეშ არის.

გამოკითხულთა 48% თვლის, რომ საქართველოში გავრცელებულია პოლიტიკური ნიშნით ადამიანების დაპატიმრება. 38%-ს კი მიაჩნია, რომ ამგვარი დაპატიმრება არ არის გავრცელებული.

ამავე კვლევის მიხედვით, საზოგადოების 72% პროცენტი მიიჩნევს, რომ პროკურატურა სრულად ან ნაწილობრივ მმართველი პოლიტიკური ძალის ინტერესებს ემსახურება.

საზოგადოებრივი აზრის კვლევა საერთაშორისო გამჭვირვალობა — საქართველოს დაკვეთით კავკასიის კვლევითი რესურსების ცენტრმა (CRRC) 2020 წლის 27 თებერვლიდან 18 მარტამდე პერიოდში ჩაატარა. კვლევის ფარგლებში მთელი ქვეყნის მასშტაბით 1 763 ადამიანი გამოიკითხა. კვლევის საშუალო ცდომილება 2,2 პროცენტია.