BeWise მობილური აპლიკაციაა, რომლის მიზანია, მომხმარებლებში ჯანმრთელობის მართვასთან დაკავშირებული გამოცდილება მთლიანად შეცვალოს.

BeWise-ში სჯერათ, რომ თანამედროვე ეპოქაში მაღალი სამოქალაქო ცნობიერება და ტექნოლოგიები ნებისმიერ გამოწვევასთან გამკლავების ერთ-ერთი ყველაზე მძლავრი და ამავე დროს ეფექტური იარაღია. სწორედ ამიტომ შექმნეს BeWise — შენი ჯანმრთელობის აპლიკაცია.

"აპლიკაციის პირველ ვერსიაში ისეთი მოდულები შევქმენით, რომელიც ჩვენ, როგორც მომხმარებელს მოგვეწონებოდა. გავითვალისწინეთ ყველა საჭიროება, რომელიც ჯანმრთელობის მართვასთან არის დაკავშირებული", — ამბობენ კომპანიის დამფუძნებლები.

• სიმპტომების აღირცვისა და მართვის მოდული;
• ელექტრონული ანამნეზის გენერირება;
• სიმპტომების ისტორიის მართვა;
• კორონავირუსთან დაკავშირებული სასარგებლო რჩევებისა და რეკომენდაციების მოდული;
• კორონავირუსთან დაკავშირებული სტატიკსიკა რეალურ დროში;

აპლიკაციაში შეგიძლიათ მიუთითოთ კორონავირუსთან დაკავშირებული ყველა ის სიმპტომი, რომელიც ახლა ან რამდენიმე დღის, საათის, წუთის წინ გაწუხებდათ. აქვე "სთორების" სახით მიიღებთ საინტერესო რჩევებსა და რეკომენდაციებს, რომელიც ჯანმრთელობის შენარჩუნებაში დაგეხმარებათ. BeWise-ში ასევე, ერთი კლიკით შეძლებთ გაიგოთ კორონავირუსთან დაკავშირებული სტატისკიკა. Wise Bot კი დაგეხმარებათ აპლიკაციის გადმოწერაში, რეგისტრაციაში, მოგაწვდით დეტალურ ინფორმაციას აპლიკაციის შესახებ ან გაგცემთ პასუხს კორონავირუსის სტატისტიკური ინფორმაციის შესახებ.

ეს მხოლოდ და მხოლოდ პირველი ვერსიაა, თუმცა, როგორც დამფუძნებლები ამბობენ, გაჩერებას არ აპირებენ და მომხმარებლებს მალე სხვა საინტერესო მოდულების დამატებას ჰპირდებიან.

აპლიკაციის მისიაა, მობილური ტელეფონის საშუალებით მომხმარებლებში ჯანმრთელობის მართვის გამოცდილება მთლიანად შეიცვალოს, ყოველდღიურად გამოიყენონ და ის მომხმარებლისთვის ბუნებრივი ქცევის ნაწილი გახდეს. შესაბამისად ეს აპლიკაცია არის ყველასთვის, ვისაც სმარტფონის საშუალებით საჭმლის შეკვეთა, ტაქსის გამოძახება და სოციალური ქსელების გამოყენება შეუძლია.

"სწორედ ეს გამოარჩევს BeWise-ს სხვებისგან. ის არის შენი ჯანმრთელობის აპლიკაცია", — ამბობენ კომპანიაში.

2020 წლის 29 მარტს, BeWise საქართველოში პირველი Online Hackathon-ის გამარჯვებული გახდა. ფონდმა კრისტალი, USAID YES Georgia-სა და ფინანსური ჩართულობის ორგანიზაცია "კრისტალის" მხარდაჭერით, დაავადებათა კონტროლისა და საზოგადოებრივი ჯანმრთელობის ეროვნულ ცენტრთან (NCDC) თანამშრომლობით, ონლაინ ჰაკათონს ორგანიზება გაუწია. BeWise მადლობას უხდის მათ პარტნიორობისა და მხარდაჭერისთვის.

BeWise-ის შესახებ გაიგე მეტი ვებსაიტიდან www.bewise.ge ან შეუერთდით მათ Facebook-ზე.

სტატია განთავსებულია მცირე ბიზნესების ხელშეწყობის ინიციატივის ფარგლებში, რომელიც On.ge-მ კორონავირუსის შედეგად დაზარალებული მცირე და საშუალო კომპანიების, გართობის ინდუსტრიის წარმომადგენლების, ქართული სტარტაპების ბაზარზე ღირსეულად დაბრუნების მიზნით წამოიწყო. ინიციატივის შესახებ გაიგეთ მეტი ამ სტატიიდან.