აშშ-ში, მინეაპოლისში დააკავეს ყოფილი პოლიციელი დერეკ შოვინი დააკავეს. მას ბრალად ჯორჯ ფლოიდის მკვლელობა ედება. დაკავებაში მონაწილე ოთხი პოლიციელი კი სამსახურიდან უკვე გათავისუფლებულია.

ჯორჯ ფლოიდი მას შემდეგ გარდაიცვალა, რაც დერეკ შოვინმა ის დააკავა, ასფალტზე დააწვინა და კისერზე მუხლს აჭერდა. დაკავების მომენტი ერთ-ერთმა გამვლელმა გადაიღო. ვიდეოში, რომელიც სოციალურ ქსელში მალევე გავრცელდა და პროტესტის მიზეზიც გახდა, ჩანს, რომ დაკავებული კისრიდან ფეხის აღებას ითხოვდა, რადგან ვერ სუნთქავდა.

"ვერ ვსუნთქავ", "არ მომკლათ" — ამ სიტყვებს იძახდა ფლოიდი, როცა პოლიციელი მას კისერზე მუხლს აჭერდა.

ფლოიდის გარდაცვალების შემდეგ მინეაპოლისი პროტესტმა მოიცვა. უკვე მესამე ღამე ზედიზედ ქალაქის ქუჩები დემონსტრანტებმა დაიკავეს.

არეულობის დროს არაერთი მაღაზია და მანქანა დაზიანდა. პროტესტის მონაწილეებმა ერთ-ერთ სავაჭრო ცენტრში გააჩინეს ხანძარი და პოლიციიის განყოფილება გადაწყვეს. მინესტოტას შტატის გუბერნატორმა, ტიმ ვალცმა მინეაპოლისის მერის თხოვნით, ქალაქსა და მის შემოგარენში ეროვნული გვარდიის 500 წევრი გაგზავნა და "მშვიდობიან დროს საგანგებო სიტუაცია" გამოაცხადა.

"ჯორჯ ფლოიდის სიკვდილმა სამართლიანობამდე და სისტემურ ცვლილებამდე უნდა მიგვიყვანოს და არა უფრო მეტ სიკვდილთან და განადგურებასთან", — განაცხადა ტიმ ვალცმა გამოსვლის დროს და ყველას მშვიდობიანი პროტესტისკენ მოუწოდა.

ქალაქში აქციები 26 მაისს დაიწყო, როცა ასობით ადამიანი იმ გზაჯვარედინზე მივიდა, სადაც ფლოიდი გარდაიცვალა. როგორც BBC წერს, ორგანიზატორები ცდილობდნენ, პროტესტის მშვიდობიანი ფორმა შეენარჩუნებინათ და კორონავირუსის გამო მოქალაქეებს დისტანციის დაცვისკენაც მოუწოდებდნენ. ამავე დროს, დემონსტრანტები ყვიროდნენ "ვერ ვსუნთქავ" და "შეიძლება მე ვყოფილიყავი".

პროტესტი მეორე ღამეს უკვე ათასობით ადამიანი შეიკრიბა. ზოგიერთი მათგანი ქვებს ისროდა და პოლიციას ცრემლსადენ გაზზსაც ესროდა.

ფოტო: AP

ჯორჯ ფლოიდის და, ფილონიზ ფლოიდი დამნაშავე პოლიციელების დაკავებასა და მათ დასჯას მოითხოვს:

"არ შემიძლია ხალხის გაჩერება, რადგან ისინი ტკივილს განიცდიან — ისინი იმავე ტკივილს განიცდიან, რასაც მე".

მინეაპოლისის პოლიციის უფროსმა, მედარია არადონდომ ფლოიდის სიკვდილით გამოწვეული ტკივილის გამო ბოდიში მოიხადა.

აშშ-ს პრეზიდენტმა დონალდ ტრამპმა განაცხადა, რომ ვიდეოს ნახვის შემდეგ დამწუხრებული იყო და განაცხადა, რომ სამართლიანობა უნდა აღდგეს.

ფოტო: Julio Cortez / AP