პარლამენტში უმრავლესობის ლიდერმა, მამუკა მდინარაძემ ნაციონალური მოძრაობის წევრის, რომან გოცირიძის გამოსვლის 8 ტყუილი "დაითვალა". მდინარაძემ ერთ-ერთ ტყუილს გოიმურიც უწოდა.

"მეხუთე [ტყუილი] იყო კითხვა, საერთოდ არსებობს ეს ფულიო [ივანიშვილის მიერ კოვიდ ფონდში ჩარიცხული]. აი, ამ კითხვის დასმა თავის თავში მოიცავს ტყუილს იქით რაღაცას. ეს არის გოიმური ტყუილი, ბატონო რომან, მერე ირაკლი [კობახიძე] გეტყვით ხოლმე რაღაცას და გწინთ", — აღნიშნა მდინარაძემ.

მანამდე უმრავლესობის წევრმა, ირაკლი კობახიძემ თქვა, რომ პარლამენტში მოსული პრემიერმინისტრისთვის კითხვის დასმისას, რომან გოცირიძემ 5 წუთში 8 ტყუილი თქვა. რომან გოცირიძე კო პასუხობს, რომ მან არა 8 ტყუილი თქვა, არამედ 8 სიმართლე ესროლა პრემიერს და 8-ვე შუბლში მოარტყა.