საერთაშორისო სავალუტო ფონდის პროგნოზით, 2016 წელს საქართველოს მთლიანი შიდა პროდუქტი 2,7 პროცენტით გაიზრდება, ხოლო 2017 წლისთვის - 4 პროცენტით

"საქართველოს ეკონომიკამ აჩვენა მდგრადობა და ის აგრძელებს გარე შოკიდან გამომდინარე ზიანიდან თავის დაღწევას, თუმცა იმაზე ნელი ტემპებით, ვიდრე ველოდით" - განაცხადეს საერთაშორისო სავალუტო ფონდში ქვეყანაში ვიზიტის შემდეგ.

სავალუტო ფონდმა შედარებით ადრე განაცხადა, რომ 2016 წელს საქართველოს ეკონომიკის ზრდას 3,5 პროცენტით ელოდა, ხოლო 2017-ში 5,2 პროცენტით. ორგანიზაციის წარმომადგენელმა როიტერის ჟურნალისტს განუცხადა, რომ ნოემბერში საქართველოს ეკონომიკური ზრდის პროგნოზები შეიძლებოდა შემცირებულიყო.