პარლამენტის პლენარულ სხდომაზე, სადაც საკონსტიტუციო სასამართლოს შესახებ კანონში დაგეგმილ ცვლილებას განიხილავენ, ვიცე-სპიკერმა მანანა კობახიძემ "ხელების ბრახუნისთვის" ხუთწუთიანი შესვენება გამოაცხადა.

პლენარულ სხდომა კითხვა პასუხის რეჟიმში მიმდინარეობდა, როდესაც საპროცედურო საკითხთა კომიტეტის თავმჯდომარემ გიორგი კახიანმა სხდომის წამყვან მანანა კობახიძეს დეპუტატებისთვის კითხვების დასმის შეზღუდვა სთხოვა.

მანანა კობახიძემ რეგლამენტით გათვალისწინებული უფლება გამოიყენა იმ მიზეზით, რომ დეპუტატების მხრიდან ერთმანეთის მსგავსი კითხვები ისმოდა და ამ მოტივით მან ნაციონალური მოძრაობის წევრებს კითხვის დასმის საშუალება არ მისცა.

კობახიძის გადაწყვეტილებას უკმაყოფილება მოჰყვა ოპოზიციონერი დეპუტატების მხრიდან. ისინი დაახლოებით 10 წუთის განმავლობაში ისინი სიტყვას ითხოვდნენ.

მას შემდეგ, რაც სხდომის ერთ-ერთმა წევრმა ჩიორა თაქთაქიშვილმა პროტესტის ნიშნად მაგიდაზე ხელების ბრახუნი დაიწყო, მანანა კობახიძემ სხდომაზე 5 წუთიანი შესვენება გამოაცხადა:

"გეძლევათ 5 წუთიანი შესვენება და შეგიძლიათ ყველამ აბრახუნოთ ხელები".