ეკონომიკის მინისტრის, ნათია თურნავას განცხადებით, მთავრობის სხდომაზე გურიაში მცირე ჰიდროელექტროსადგურის მშენებლობა მოიწონეს. როგორც მინისტრმა სხდომის შემდეგ განმარტა, ბახვი 1-ის 12 მეგავატის მცირე სადგური ჩოხატაურის რაიონში აშენდება.

მინისტრის განცხადებით, ინვესტორი ამერიკული კომპანია ცერბერუს ფრონტიერია, რომელიც საქართველოში ენერგეტიკულ პროექტებს ახორციელებს. თურნავას თქმით, ბახვი 1 კომპანიის მეხუთე პროექტი იქნება.

"ეს კიდევ ერთხელ ადასტურებს, რომ ჩვენთან არსებული საინვესტიციო გარემო არის ძალიან მიმზიდველი უცხოელი ინვესტორებისთვის, განსაკუთრებით ამერიკელი ინვესტორებისთვის. ჩვენ ყველაფერს გავაკეთებთ, რომ პროექტი შესწავლის ეტაპიდან მალევე გადავიდეს მშენებლობის ეტაპზე", — აღნიშნა მინისტრმა.