დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა, ხათუნა ზახაშვილმა აღნიშნა, რომ ოფისებში და დახურულ სივრცეებში თანამშრომლებს შორის მხოლოდ 2-მეტრიანი დისტანციის დაცვა ეფექტური არ იქნება. ამ თემაზე მან სპეციალურ ბრიფინგზე ისაუბრა და ის რეკომენდაციები ჩამოთვალა, რაც ამ შემთხვევაში ადამიანებმა უნდა დაიცვან.

" აუცილებელად უნდა იყოს სხვა წესები დაცული, როგორიცაა სწორი განიავება, სწორი აერაცია, ხშირი დალაგება სველი წესით, სათანადო სადეზინფექციო სითხეების გამოყენებით, წინააღმდეგ შემთხვევაში, მხოლოდ 2-მეტრიანი დისტანციის დაცვა სამუშაო მაგიდებს შორის ეფექტს ნამდვილად არ მოგვცემს და ამის იმედად არ უნდა ვიყოთ", — თქვა ხათუნა ზახაშვილმა.

ზახაშვილმა განმარტა, რომ უმჯობესია ოფისებში მოწყობილი იყოს გამწოვი სისტემები, რომლებსაც ჰაერი გარეთ გააქვს და თითოეულ ადამიანზე გათვლილი იყოს 4-8 კვადრატული მეტრი.