უწყებათაშორისი საბჭოს გადაწყვეტილებით, ბოლნისის მუნიციპალიტეტის რამდენიმე სოფელში მკაცრი საკარანტინო შეზღუდვები ხვალიდან, 19 მაისიდან იხსნება. მთავრობის ადმინისტრაციის განცხადებაში წერია, რომ ეს გადაწყვეტილება ეპიდემიოლოგიური ვითარების ანალიზის საფუძველზე მიიღეს.

კარანტინის რეჟიმი უქმდება ბოლნისის მუნიციპალიტეტის სოფლებში - ნახიდური, ფარიზი, ცურტავი, დაბა თამარისი, ხიდისყური, მუხრანა, ბალახაური და მწყნეთი. აღნიშნულ სოფლებში ძალაში რჩება საგანგებო მდგომარეობით დადგენილი სხვა შეზღუდვები, რომლებიც საქართველოს მთელს ტერიტორიაზე მოქმედებს.