კალიფორნიის ქალაქ სან-ხოსეში მოქალაქეები უცნაური შემთხვევის მომსწრენი გახდნენ — კარანტინში მყოფმა თხებმა ელექტრული ღობე გაანგრიეს და ტექნოლოგიური ქალაქის ქუჩებში გამოეფინენ.

200-მდე თხის ფარამ ქუჩებში ნამდვილი მარში მოაწყო. ვიდეო ტვიტერზე ადგილობრივმა, ზაკ როლანდსმა გამოაქვეყნა და მას უკვე 4 მილიონამდე ნახვა აქვს:

"მაღაზიიდან მოვდიოდი, როდესაც ისინი დავინახე. ყველაზე დიდი სიგიჟეა, რაც კარანტინში მინახავს".

გათავისუფლებულმა თხებმა ქუჩებში ნაგვის ურნები და ბუჩქები წალეკეს და სან-ხოსეს აღმოსავლეთ ნაწილში მცირე ტური მოიწყეს. ვიდეოში ყველაზე სახალისო მაინც ფარას სიახლოვეს მყოფი ძაღლია, რომელიც მათ გარეშემო დარბის და მეთვალყურეობასა და მიმართულების კონტროლს ცდილობს.

როგორც ცნობილია, ფერმერმა თხების უკან შერეკვა რამდენიმე წუთში შეძლო.