ბოდბელი მთავარ ეპისკოპოსი იაკობი კორონავირუსის პანდემიის მიუხედავად საქართველოს მართლმადიდებლურ ეკლესიაში მსახურებების ჩვეულ რეჟიმში გაგრძელებაზე ამბობს, რომ ქართული ეკლესიის გარდა, "მთელი მსოფლიო დააჩოქეს".

მისი თქმით, პანდემიის დროს, რომელსაც ასიათასობით ადამიანი შეეწირა, პატრიარქი ხალხთან ერთად იყო და ქრისტეს ლაშქარს მიუძღვებოდა.

"მთელი მსოფლიო დააჩოქეს, ერთადერთი ჩვენი ეკლესია იყო და 87 წლის ადამიანი, სულით და ხორცით ქრისტიანი, ქართველი, ჩვენი მამამთავარი, ჩვენი კათოლიკოს პატრიარქი უფალმა მთავარსარდლად გამოირჩია, სხვებს მაპატიეთ და ლეიბზე წამოწოლილებს, ხალხის გარეშე გვაჩვენებდნენ დიდ ტაძრებში, პატრიარქი ხალხთან ერთად იყო და ქრისტეს ლაშქარს მიუძღვებოდა", — განაცხადა იაკობმა ქადაგებისას.