დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელი, ხათუნა ზახაშვილი ამბობს, რომ მცირე ასაკის ბავშვებისთვის ნიღბის ტარება რეკომენდებული არ არის.

მისი თქმით, მცირეწლოვნებისთვის ფიზიკური და სოციალური დისტანცირებაა მნიშვნელოვანი.

"ნიღბის ტარება არ არის რეკომენდებული მცირე ასაკის ბავშვებისთვის და განსაკუთრებით ყურადღებას გთხოვთ მშობლებს, რომლებსაც გყავთ მცირეწლოვანი ბავშვი, მათთვის ნიღაბს ვერ მოიხმართ და ამ შემთხვევაში უფრო მნიშვნელოვანია ფიზიკური და სოციალური დისტანცირება ამ ბავშვებისთვის, რათა შენარჩუნებული იყოს მათი ჯანმრთელობა და არ შეექმნათ მათ დაავადების გადადების რისკები", — განაცხადა ზახაშვილმა.