კიევის მერის, ვიტალი კლიჩკოს განცხადებით, კიევის-პეჩერის ლავრაში კორონავირუსით კიდევ ერთი სასულიერო პირი გარდაიცვალა. კიევ-პეჩერის ლავრა უკრაინის მართლმადიდებელი ეკლესიის მოსკოვის საპატრიარქოს მთავარი თაძარია და ის რუსეთის მართლმადიდებელ ეკლესიას ექვემდებარება.

ეპიდემიის დაწყების დღიდან კიევში კორონავირუსის 500-ზე მეტი შემთხვევა დაფიქსირდა. მკაცრი შეზღუდვების მიუხედავად, მოსკოვის საპატრიარქოს წინამძღვარი მიტროპოლიტი პავლე მოსახლეობას მოუწოდებდა, რომ ეკლესიაში მისულიყვნენ, ერთმანეთს ჩახუტებოდნენ და არ შეშინებოდათ იმ ვირუსის, რომელმაც ათასობით ადამიანის სიცოცხლე შეიწირა.

კიევ-პეჩორის ლავრაში კორონავირუსის 90-ზე მეტი შემთხვევაა დაფიქსირებული. შემთხვევების მატების გამო 13 აპრილს მონასტერში მკაცრი კარანტინი გამოცხადდა და დაიხურა.

უკრაინსკაია პრავდა წყაროზე დაყრდნობით წერს, რომ კორონავირუსი მიტროპოლიტ პავლესაც დაუდგინეს, თუმცა ოფიციალური ინფორმაცია ამაზე ჯერ არ გავრცელებულა.