ავტოკატასტროფებში დაღუპულთა და დაშავებულთა ხსოვნის დღეს, 20 ნოემბერს, 14 საათზე, არასამთავრობო ორგანიზაციები ქვეითთა უსაფრთხოების მოთხოვნით თბილისში პარლამენტის შენობასთან აქცია-მსვლელობას აწყობენ.

აქციის ორგანიზატორები და მათი მხარდამჭერები მიმართავენ ქალაქ თბილისის მერიას, საქართველოს შინაგან საქმეთა სამინისტროს და საქართველოს პარლამენტს:

  • დაიწყოს ქვეითების როგორც პირველხარისხოვანი მოქალაქეების აღიარება და ფეხით
    სიარულისთვის ელემენტარული პირობების შექმნა.
  • აიკრძალოს ტროტუარზე პარკირება, არა მხოლოდ ტროტუარზე დახაზული ადგილების
    წაშლით, არამედ რეალურად აღიკვეთოს პარკირება მოქმედი კანონების მკაცრი აღსრულებით.
  • გაიზარდოს სასჯელი უკანონო პარკირებისთვის და მკაცრი აღსრულება მოჰყვეს პარკირების
    წესის დარღვევას (მათ შორის ტროტუარებზე, ზებრა გადასასვლელებზე და პანდუსებზე)
  • მოხდეს ზებრა გადასასვლელებზე ქვეითთა უსაფრთხოების დაცვა კანონის მკაცრი
    აღსრულებით
  • ახალი პარლამენტის შეკრების შემდეგ დაუყოვნებლივ, საკითხთა პირველ ნუსხაში მოხდეს
    საგზაო კანონის, ქულათა სისტემის და უკონტაქტო პატრულირების განხილვა და მიღება

ორგანიზატორების განცხადებაში ვკითხულობთ:

"საზოგადოებრივი სივრცეების მასობრივ გაქრობასთან, დაურეგულირებელ მშენებლობებთან და ჰაერის დაბინძურებასთან ერთად, გზებზე დაშავებულ ქვეითთა რაოდენობა უპრეცედენტო რიცხვს აღწევს. გასულ წელთან შედარებით ავტოკატასტროფებში დაღუპულთა და დაშავებულთა რიცხვი 11%-ით არის გაზრდილი, ყოველი მესამე შემთხვევის მონაწილე კი ქვეითია".