ლარის გაუფასურებასთან დაკავშირებით ქართული ოცნების ოპონენტების მხრიდან გაკეთებულ განცხადებებს უმრავლესობის წევრი, გია ვოლსკი სპეკულაციებს უწოდებს და განმარტავს:

"ყველამ ვიცით, რომ დოლარზე მოთხოვნა გაზრდილია. შესაბამისად, არის გარკვეული რყევა და უახლოეს პერიოდში, როდესაც ლარზე იქნება მოთხოვნა გაზრდილი, ეს რყევა დაბალანსდება. იყო პანიკური განცხადებები და ვფიქრობ ეს პოლიტიკოსების მხრიდან ხშირ შემთხვევაში გამოყენებულია გარკვეული სპეკულაციებისთვის, რაც დამაზიანებელია".

აღნიშნულს ეხმაურება ენმ-ს წევრი ზურაბ ჭიაბერაშვილიც, რომელიც მიიჩნევს, რომ ეროვნული ვალუტის გაუფასურების მიზეზი მთავრობის არასწორი ეკონომიკური პოლიტიკაა:

"მდგომარეობა არის უმძიმესი და თუ გვინდა, რომ გამოსავალი ვიპოვოთ, მთავრობამ აუცილებლად ბიუროკრატიული ხარჯი უნდა შეკვეცოს. მოიკლონ პრემიები, დანამატები, გაბერილი სამივლინებო ხარჯები და შეამცირონ საბიუჯეტო დეფიციტი".