პრეზიდენტის ადმინისტრაციის ინფორმაციით, სალომე ზურაბიშვილმა 9 მსჯავრდებული ქალი შეიწყალა, რომლებიც დღესვე დატოვებენ პენიტენციურ დაწესებულებას. მათივე განცხადებით, პრეზიდენტმა შეწყალების აქტი ხარების დღესასწაულთან დაკავშირებით გამოსცა.

ადმინისტრაციაში განმარტავენ, რომ ყველა მსჯავრდებულს ერთი, ან მეტი არასრულწლოვანი შვილი ჰყავს და ძალადობრივი დანაშაულისთვის არ არიან გასამართლებული.