5 აპრილს ტვიტერზე აიტვირთა ვიდეო, სადაც ჩანს, თუ როგორ უჭერს ისლანდიაში მყოფი მსახიობი ეზრა მილერი უცნობ ქალს კისერში ხელებს და ძირს ანარცხებს.

როგორც Variety წერს, მიუხედავად იმისა, რომ ვიდეოში აღწერილი სიტუაცია ბევრმა ხუმრობად აღიქვა და ეზრა მილერის სახელი, როგორც ახალი მიმების შთაგონება, ტრენდებში მოხვდა, გამოცემას ისლანდიელმა წყარომ დაუდასტურა, რომ ეზრა მილერს ქალაქ რეიკიავიკის ერთ-ერთ ბარში სერიოზული კამათი ჰქონდა, რის გამოც ის ბარიდან გაიყვანეს.

ვიდეოს ტვიტერზე უკვე 6 მილიონზე მეტი ნახვა აქვს:

შვიდწამიან ვიდეოში ჩანს, თუ როგორ ამბობს ეზრა მილერი შემდეგ ფრაზას: "ჩხუბი გინდა?" და უცნობ ქალს ძირს აგდებს. ამ დროს ასევე უცნობი პიროვნება, რომელიც ვიდეოს იღებს, ეზრა მილერის მიმართავს, მის შეჩერებას ცდილობს და ვიდეოს გადაღებაც სწორედ აქ წყდება.

Variety-ის ცნობით, ეს ინციდენტი პირველ აპრილს რეიკიავიკის ერთ-ერთ ცნობილ ბარში მოხდა. როგორც ერთ-ერთ თვითმხილველი ამბობს, ბარში ჩხუბი მაშინ დაიწყო, როცა ეზრა მილერი სხვა რამდენიმე სტუმარმა იცნო და ფანებმა თავი მოაბეზრეს.

ჯერჯერობით აღნიშნულ ფაქტზე მსახიობს საჯარო კომენტარი არ გაუკეთებია.

27 წლის ეზრა მილერს მაყურებლები ისეთ ფილმებში შესრულებული როლებით იცნობენ, როგორებიცაა The Perks of Being a Wallflower, Batman v Superman: Dawn of Justice, Justice League, Fantastic Beasts and Where to Find Them და We Need To Talk About Kevin.