კორონავირუსით გამოწვეული ეკონომიკური კრიზისის გამო ყვავილებზე მოთხოვნა შემცირდა, რის გამოც ნიდერლანდებში ყვავილების განადგურება მოუწიათ. ამის შესახებ ინფორმაციას საერთაშორი გამოცემები ავრცელებენ.

სააგენტო Reuters-ის მიერ 16 მარტს გავრცელებულ ინფორმაციაში, ნიდერლანდებში ერთ-ერთი მსხვილი ყვავილების კომპანიის წარმომადგენელი ამბობდა, რომ მათი სექტორისთვის, როგორც წესი გაზაფხული ყველაზე აქტიური პერიოდია. რადგან სწორედ სეზონზეა თავმოყრილი ისეთი დღესასაწაულები, რომლის დროსაც ყვავილებზე მოთხოვნა იზრდება.

ყვავილების კომპანიის წარმომადგენლის თქმით, კრიზის გამო პროდუქციის თითქმის 80%-ის გადაყრა მოუწევთ.

როგორც ცნობილია, ნიდერლანდები ყვავილების ინდუსტრიითაა განთქმული. ქვეყნაში ყვავილების ინდუსტრიაში 150 ათასზე მეტი ადამიანია დასაქმებული.