უმრავლესობის წევრის და ექიმის, ლადო კახაძის აზრით, საგანგებო მდგომარეობის გამოცხადება საფრთხილოა, რადგან პოლიტიკოსებმა იზოლაცია პოლიტიკურ დევნად შეიძლება გაასაღონ. ამის შესახებ კახაძემ დღეს პარლამენტში განაცხადა.

მისი თქმით, საგანგებო მდგომარეობის გამოცხადებამდე, წინასწარ უნდა დაიზღვიონ თავი, რომ პოლიტიკური ძალების მხრიდან პროვოკაციული განცხადებები არ იყოს.

"ისე არ გამოდგეს, რომ იზოლირებული ადამიანები რომელიმე პოლიტიკური პარტიის ქვეშ და პოლიტიკურ დევნად არ აღიქვას მერე სხვამ. ამისი მცდელობა ხომ არ არის სხვისაგან, რომ ჩვენგან სამართლიანად მიღებული ან ნაჩქარევად გადაწყვეტილების მიღების დროს ვიღაცამ თავის სასარგებლოდ, პოლიტიკურად მერე ანგაჟირებულ სცენარში არ მოიაზროს. კაცმა დაარღვია, შეიძლება, პროვოკატორია, მაგრამ გააკეთა, დაარღვია, მოხდა მისი იზოლირება და უცბად მთელი პოლიტიკური სპექტრი გამოენთება და აი, პოლიტიკური დევნააა და კაცის იზოლირება მოახდინესო", — განაცხადა კახაძემ.