კორონავირუსის საფრთხის გამო, მუსიკალური ფესტივალი კოაჩელა ოფიციალურად გადაიდო. ღონისძიება 10–12 და 17–19 აპრილს უნდა გამართულიყო. როგორც ორგანიზატორები აცხადებენ, ფესტივალი 9, 10, 11, 16, 17 და 18 მარტს გაიმართება.

მიუხედავად არსებული საფრთხისა, არ იგეგმება ნიუ-იორკის მეტროპოლიტენის მუზეუმის ყოველწლიური წვეულების, მეთ გალა 2020-ის გადადება. ჯანდაცვის მსოფლიო ორგანიზაციის ერთ-ერთი რეკომენდაცია სწორედ თავშეყრის ადგილების თავის არიდებაა.

ღონისძიება 4 მაისსაა ჩანიშნული და მისი თემაა "დრო, მოდა და ხანგრძლივობა". ინფორმაცია The Cut-ს ღონისძიების წარმომადგენელმა დაუდასტურა. წელს ღონისძიების ორგანიზატორები ანა ვინტურთან ერთად ემა სტოუნი და მერილ სტრიპიც არიან.

დღეს WHO-მ კორონავირუსი პანდემიად გამოაცხადა, რაც ნიშნავს, რომ ინფექცია მსოფლიოს მოსახლეობის დიდ ნაწილს შეეხება.

ვირუსის გამო 7 თვით გადაიდო ჯეიმს ბონდის ახალი ფილმის ჩვენება და სხვა მრავალი ღონისძიება. კონცერტები გააუქმეს ისეთმა მომღერლებმა და ჯგუფებმა, როგორებიც არიან:

  1. The National;
  2. მერაია ქერი;
  3. a-ha;
  4. მადონა;
  5. Pearl Jam;
  6. მაილი საირუსი;
  7. კარლოს სანტანა და სხვები.

ამავე თემაზე: