შინაგან საქმეთა სამინისტრომ შემაკავებელი ორდერის დარღვევის ბრალდებით კაცი დააკავა.

გამოძიების ინფორმაციით, ბრალდებულმა არ შეასრულა იმ შემაკავებელი ორდერით გათვალისწინებული ვალდებულებები. შსს-ში ამბობენ, რომ დაკავებულის მიმართ შემაკავებელი ორდერი ცოლზე ფსიქოლოგიური ძალადობის გამო გამოსცეს.

გამოძიება ოჯახის წევრის მიმართ შემაკავებელი ორდერით გათვალისწინებული მოთხოვნების დარღვევის ფაქტზე, სისხლის სამართლის კოდექსის 11 პრიმა 381 პრიმა მუხლის 1-ლი ნაწილით მიმდინარეობს. ისჯება ჯარიმით ან საზოგადოებისათვის სასარგებლო შრომით ვადით 180-დან 240 საათამდე ან თავისუფლების აღკვეთით ვადით ერთ წლამდე, იარაღთან დაკავშირებული უფლებების შეზღუდვით ან უამისოდ.