ავღანეთში ბაგრამის საავიაციო ბაზაზე მე-12 ბატალიონის პირადმა შემადგენლობამ დედის დღე აღნიშნა. ამის შესახებ ინფორმაციას თავდაცვის სამინისტრო ავრცელებს.

მათივე ცნობით,ამ დღესთან დაკავშირებით გამართულ სადილზე ავღანეთის ისლამურ რესპუბლიკაში უფროსმა სამხედრო წარმომადგენელმა და მე-12 ბატალიონის ხელმძღვანელობამ, თავდაცვის სამინისტროს სახელით, სამშვიდობო მისიაში მყოფ ქალ სამხედრო მოსამსახურეებს დედის დღე მიულოცეს და სამახსოვრო საჩუქრები გადასცეს. მათ 3 მარტი "მტკიცე მხარდაჭერის მისიაში" მყოფ ყველა დედას მიულოცეს და მისიის მშვიდობით დასრულება უსურვეს.