კორონავირუსის გავრცელების ასარიდებლად თურქეთმა, სომხეთმა და პაკისტანმა ირანთან საზღვარი ჩაკეტეს.

CNN Turk თურქეთის ჯანდაცვის მინისტრ ფაჰრეთინ კოჩაზე დაყრდნობით წერს, რომ შეჩერდა როგორც სახმელეთო და სარკინიგზო, ასევე შეიზღუდა საჰაერო მიმოსვლა. კერძოდ, ირანიდან თურქეთში ავიარეისები შეჩერდა, საპირისპირო მიმართულებით კი დაშვებულია.

რადიო თავისუფლების სომხური ბიუროს ინფორმაციით, პრემიერმა, ნიკოლ ფაშინიანმა მიიღო გადაწყვეტილება საზღვარი დროებით, 2 კვირით ჩაიკეტოს.

როგორც The Guardian წერს, პაკისტანს ირანთან სახმელეთო საზღვარი აქვს ჩაკეტილი.

ირანში კორონავირუსით ინფიცირების 46 შემთხვევა დაფიქსირდა. ბოლო მონაცემებით, გარდაიცვალა 5 ადამიანი. ამ მიზეზის გამო ირანთან ფრენები შეზღუდა საქართველოს მთავრობამაც.