Vestnik Kavkaza-ს ინფორმაციით, რუსეთში აივ ინფექციის გავრცელების მასშტაბი ეპიდემიაში გადაიზარდა. ინფორმაციას ამის შესახებ იმუნოდეფიციტის ვირუსის პროფილაქტიკისა და მასთან ბრძოლის ფედერალური მეთოდური ცენტრის წარმომადგენელი, ვადიმ პოკროვსკი ავრცელებს.

ის ამბობს, რომ ეპიდემია მთელი ქვეყნის მასშტაბით მძვინვარებს, თუმცა, მხოლოდ ერთი რეგიონის ადმინისტრაციას ეყო გამბედაობა, რომ ამის შესახებ განეცხადებინა. ეკატერინბურგის მთავრობის განმარტებით, ქალაქში 26693 შემთხვევა დაფიქსირდა და 100 ათას მოსახლეზე დავირუსებულთა რაოდენობა 1826 ადამიანს შეადგენს:

"გამოდის, რომ აივ ინფექცია ქალაქის მოსახლების 1,8 პროცენტს აქვს, რაც მიუთითებს იმაზე, რომ ეპიდემია მძვინვარებს".

როგორც პაკროვსკიმ განმარტა, ეპიდემია ქალაქის მოსახლეობაში უფროა გავრცელებული, ვიდრე სოფლად:

"აივ ინფექციით რუსეთის მოსახლოების 1 პროცენტია დავირუსებული, ამათან, 30-40 წლის ასაკობრივ ჯგუფში - 2,5 პროცენტი. რუსეთის მასშტაბით, დღეში საშუალოდ 270 ახალი შემთხვევა ფიქსირდება, აღნიშნული მიზეზით გარდაცვლილთა რიცხვი კი დღეში 50-60 კაცია".