17 იანვარს შედგა ნეტფლიქსის ერთ-ერთი ყველაზე პოპულარული სერიალის, Sex Edcation-ის მეორე სეზონის პრემიერა და უკვე ვიცით, რომ მისი შემქნელები მესამე სეზონის გადაღებაზეც მუშაობენ.

ამის შესახებ ინფორმაცია ტვიტერზე ნეტფლიქსის ბრიტანულ ანგარიშზე გამოქვეყნდა: სპეციალურ ვიდეოანონსში ახალ ამბავს არც მეტი, არც ნაკლები სკოლის დირექტორის როლის შემსრულებელი, ალისტერ პეტრი გვამცნობს.

"ერიკი და ადამი, ნეტავ, რა შეემთხვევა ამ ორ ქერუბიმს მომავალში? ვვარაუდობ, რომ ამას მესამე სეზონში გაიგებთ", — მიმართავს მაყურებლებს ალისტერ პეტრი.

თუ გავითვალისწინებთ იმას, რომ მეორე სეზონის დასასრულმა მაყურებლების დიდი ნაწილი გულმოკლული დატოვა — საკმაოდ დრამატული და ბუნდოვანი დასასრულის გამო, ეს ერთგვარი თიზერი კიდევ უფრო გვიმძაფრებს შოუს გაგრძელების ხილვის სურვილს, რომელიც, სავარაუდოდ, 2021 წლის დასაწყისამდე ეკრანებზე არ გამოვა.