ცესკოს პრესსპიკერი, ანა მიქელაძე აცხადებს, რომ ენმ-ს წევრის, ოთარ კახიძის მიერ გავრცელებული ინფორმაცია იმასთან დაკავშირებით, რომ მარნეულში არჩევნები ყალბდება, ცესკომ გადაამოწმა და ის სიმართლეს არ შეესაბამება.

მისი თქმით, მარნეულის 50-ე უბანზე მხოლოდ ერთი შემთხვევა დაფიქსირდა, როდესაც კომისიის წევრმა გარეთ გამოსულ ამომრჩეველს გადაუკეცავი ბიულეტენის გადაკეცვა სთხოვა და უკან შემოაბრუნა. მიქელაძის განცხადებით, ამავე უბანზე ენმ-ის წევრი და თანასწორობის ცენტრის დამკვირვებელი უფლებამოსილებას ამეტებდნენ, რისთვისაც მათ კომისიის წევრებმა უბანი დაატოვებინეს.