CNN-ის ინფორმაციით, ფილიპინებმა კორონავირუსის პირველი შემთხვევა დაადასტურა.

გამოცემა წერს, რომ პაციენტი 38 წლის ქალია ჩინეთიდან, რომელიც ფილიპინებში უხანიდან 21 იანვარს დაბრუნდა. პაციენტს ხველება და სიმპტომები 25 იანვარს გამოუვლინდა და მიმართა ექიმებს საავადმყოფოში. ჯანდაცვის დეპარტამენტის ოფიციალურმა წარმომადგენლებმა მისი ნიმუშები გადაუგზავნეს ვიქტორიას ინფექციური დაავადებათა ლაბორატორიაში, ავსტრალიაში. შემოწმების შემდეგ ხუთშაბათს კორონავირუსი დადასტურდა.

ჯანდაცვის სამინისტრომ მოქალაქეებს მოუწოდა, რომ იარონ პირბადეებით და თავი აარიდონ ხალხმრავალ ადგილებს.

ჩინეთში კორონავირუსით გარდაცვლილთა რიცხვი 170-მდე გაიზარდა, დაინფიცირებულთა რაოდენობა კი 7 700-ზე მეტია. ბოლო მონაცემებით, ვირუსი ჩინეთის 31 რეგიონში გავრცელდა და მთელი ქვეყანა მოიცვა.

მთელი მსოფლიოს მასშტაბით კორონავირუსის 100-ზე მეტი შემთხვევა დადასტურდა. ვირუსი გავრცელდა 20-ზე მეტ ქვეყანაში, მათ შორის, ჩრდილოეთ ამერიკა, ევროპა, აზია და შუა აღმოსავლეთი. ადამიანიდან ადამიანზე გადადების შემთხვევები კი ყველაზე მეტად გერმანიაში დაფიქსირდა.