ამერიკის კინოაკადემია ლეგენდარული კალათბურთელისა და ოსკარის მფლობელის, კობი ბრაიანტის გარდაცვალებას გამოეხმაურა.

"მათ ეჭვი ეპარებოდათ, რომ ბავშვი NBA-ში მოხვდებოდა და დაუმტკიცა, რომ ცდებოდნენ.

მათ ეჭვი ეპარებოდათ, რომ ის ჩემპიონატს მოიგებდა და დაუმტკიცა, რომ ცდებოდნენ.

მათ ეჭვი ეპარებოდათ, რომ ის ფილმის გადაღებას შეძლებდა, მან კი ოსკარი აიღო.

როგორც ყველა დიდმა ხელოვანმა, კობი ბრაიანტმა დაამტკიცა, რომ შეუძლებელი არაფერია".

კობი ბრაიანტი კალიფორნიაში ვერტმფრენის ჩამოვარდნის შედეგად დაიღუპა. TMZ-ის ინფორმაციით, ბრაიანტთან ერთად მისი 13 წლის შვილიც გარდაიცვალა.

როგორც საერთაშორისო მედია წერს, ბრაიანტი საკუთარ ვერტმფრენში მინიმუმ სამ სხვა ადამიანთან ერთად იმყოფებოდა. ამჟამად 5 ადამიანის გარდაცვალებაა დადასტურებული. ცნობილია, რომ ბორტზე არ იყო მისი ცოლი, ვანესა ბრაიანტი.

ვერტმფრენის ჩამოვარდნის მიზეზი ჯერჯერობით უცნობია.

კობი ბრაიანტი აღიარებულია კალათბურთის ერთ-ერთ ყველაზე დიდ ვარსკვლავად. ის 20 წლის განმავლობაში ლოს-ანჯელეს ლეიკერსში თამაშობდა. მოგებული აქვს, NBA-ს ხუთი ჩემპიონატი და 18 All Star თამაში. ის იყო ყველაზე ახალგაზრდა მოთამაშე, რომელიც NBA-ში თამაშში 18 წლის ასაკში დაიწყო და კარიერა 2016 წელს დაასრულა. ბრაიანტი NBA-ს ისტორიაში პირველი მცველია, რომელმაც მინიმუმ 20 სეზონი ითამაშა.

ბრაიანტ ოსკარი მიღებული აქვს მოკლემეტრაჟანი ანიმაციური ფილმისთვის ძვირფასი კალათბურთი.