ურჩხული და მზეთუნახავის, მეფე ლომის, დამბოს, ალადინის და სხვა კლასიკური ანიმაციების გაცოცხლების შემდეგ, დისნეიმ გადაწყვიტა, რომ ამჯერად ბემბი გადაიღოს მხატვრულ ფილმად.

ყველასთვის საყვარელი ანიმაცია 1942 წელს გამოვიდა. დისნეის სტუდია მხატვრულ ფილმს იმავე ტექნოლოგიით გადაიღებს, რომელიც მეფე ლომისა და ჯუნგლების წიგნის შექმნისას გამოიყენა.

ფილმის სცენარზე ჟენევა რობერტსონ-დუორეტი და ლინდსი ბეარი იმუშავებენ. სხვა დეტალები ამ დროისთვის უცნობია.

დისნეი სხვა ანიმაციებზეც მუშაობს, რომლებიც მომავალში გამოვა. მათ შორისაა მულანი, კრუელა, პატარა ქალთევზა და ფიფქია და შვიდი ჯუჯა.