თბილისის მერის, კახა კალაძის განცხადებით, 2020 წლის მარტიდან მერია გაფანტული სკლეროზის მედიკამენტების დაფინანსებას დაიწყებს. მისი თქმით, ამ დაავადების მკურნალობა წლიურად, დაახლოებით, 24 000 ლარი ჯდება და სოციალურად დაუცველებისთვის ის 100%-ით დაფინანსდება, სხვებისთვის კი 80%-ით.

კალაძემ განმარტა, რომ ადრეულ სტადიაზე მკურნალობა ამ დააავადების მქონეებს მისცემს შანს, სრულფასოვნად იცხოვრონ და არ დაკარგონ შრომისუნარიანობა.