ეროვნული ბიბლიოთეკის დირექტორს, გიორგი კეკელიძეს ფონდმა ქართულმა გალობამ განსაკუთრებული ჯილდო " მადლიერების ჩიტი" გადასცა.

ფონდი ამ ჯილდოს იმ ადამიანებს გადასცემს, რომელთაც ქართული ფოლკლორის წინაშე განსაკუთრებული ღვაწლი გასწიეს.

ეროვნულ ბიბლიოთეკაში ფონდ ქართული გალობის მხარდაჭერით ფოლკლორის დარბაზი გაიხსნა, სადაც ქართული ფოლკლორის შესახებ უნიკალური მასალებია განთავსებული. ეროვნული ბიბლიოთეკა ამ მიმართულებით მუშაობას და ახალი მასალების მოძიებასაც გეგმავს.