Talitres დამოუკიდებელი ფრანგული მუსიკალური ლეიბლია, რომელიც ისეთ ცნობილ ჯგუფებს წარმოადგენს, როგორებიცაა The National, Motorama და სხვა ინდი როკ ჯგუფები.

ლეიბლის ოფიციალურ საიტზე გამოქვეყნდა ცნობა, რომ 18 ნოემბერს, ქართული დუეტი Eko and Vinda Folio-ს სიმღერა შენ ანათებ ლიმიტირებულ ვინილებად გამოიცემა.

"გაზაფხულის ერთ დილას, ვლადისლავ პარშინმა (Motorama) გვირჩია თბილისური დუეტის Eko and Vinda Folio-სთვის მოგვესმინა.

ვერც კი წარმოვიდგენდით, რომ ეს სიმღერა ისე მოგვეწონებოდა, რომ ამოვიჩემებდით. ძალიან მოგვწონს ქართული ენის სირბილე, გიტარის ხმა და კომპოზიცია", წერია ლეიბლის ოფიციალურ საიტზე.

ლიმიტირებული ვინილების წინასწარ შეკვეთა საიტზევე შეგიძლიათ.