პოლიტიკური გაერთიანება ლელო, არჩევნებზე გამარჯვების შემთხვევაში, მედიკამენტების პროგრამის დაფინანსების 500%-ით გაზრდის პირობას დებს. ამის შესახებ პარტიის ერთ-ერთმა დამფუძნებელმა, ბადრი ჯაფარიძემ სასამართლო სხდომის დაწყებამდე გამართულ პრეზენტაციაზე განაცხადა.

გარდა ამისა, ჯაფარიძის თქმით, 100%-ით გაიზრდება დაფინანსება პროფილაქტიკასა და პირველად ჯანდაცვაზე.

"ჩვენი მიზანია, რომ იმ ეტაპზე კი არ ვებრძოლოთ დაავადებას, როცა მათი განკურნება ძალიან ძვირი ჯდება ან საერთოდ შეუძლებელია, არამედ პრევენციაში ჩავდოთ ინვესტიცია, რომ თავიდან ავიცილოთ დაავადებები", — განაცხადა მან.

ლელოსა და თიბისის დამფუძნებლები თიბისი ბანკის საქმის არსებითი განხილვის გამო დღეჩაგდებით ესწრებიან სხდომებს საქალაქო სასამართლოში. ამიტომ, სხდომის დაწყებამდე ისინი სასამართლოს ეზოში სხვადასხვა საკითხებზე პრეზენტაციას მართავენ, პრობლემებზე საუბრობენ და მათ ხედვებს აყალიბებენ.