ქართული ოცნების დეპუტატი კარლო კოპალიანი საქართველოს ტექნიკური უნივერსიტეტის კანცლერობის უკონკურენტო კანდიდატია.

ტექნიკურ უნივერსიტეტში ადასტურებენ, რომ კანცლერის თანამდებობაზე თავდაპირველად სამი კანდიდატი იყო რეგისტრირებული. უნივერსიტეტის იურიდიული სამსახურის უფროსმა ბექა მაისურაძემ და შიდა აუდიტის სამსახურის უფროსმა, მალხაზ ლომინაძემ კანდიდატურები მოხსნეს.

კითხვაზე, რატომ მოხსნა ორმა პირმა კანდიდატურა, უნივერსიტეტის პიარი გვპასუხობს:

"ძნელი სათქმელია, პატარა მოტივაცია ჰქონდათ ალბათ, ჩათვალეს, რომ ეს კანდიდატი, რომელიც არის პარლამენტის წევრი ალბათ მისი შესაძლებლობები არის უფრო მეტი ალბათ ასე ჩათვალეს", — თქვა On.ge-სთან საუბრისას უნივერსიტეტის პიარმა.

კარლო კოპალიანმა 2018 წელს, საქართველოს ტექნიკურ უნივერსიტეტში, როგორც სრულმა პროფესორმა, ერთ თვეში 5 640 ლარი აიღო. აკადემიური საბჭოს წევრებს შეუძლიათ ერთადერთ კანდიდატს ხმა 17:00 საათამდე მისცენ.