მეუფე პეტრე ცაავას მიაჩნია, რომ პრეზიდენტის მიერ გიორგი მამალაძის არშეწყალება საპატრიარქოსთან და მის გარემოცვასთან შეთანხმებული გადაწყვეტილებაა.

მისი თქმით, პატრიარქი "შურისმაძიებელი ადამიანია", რომელსაც ღვთის შიშის ნაცვლად "მისი მდგომარეობის დაკარგვის შიში" აქვს.

"მართმადიანი და ურცხვი პრეზიდენტის გადაწყვეტილება არის ბოროტება, მაგრამ ამ ბოროტების წყარო არის საქართველოს პატრიარქი და მისი გარემოცვა. დარწმუნებული ვარ, რომ ისევე, როგორც ზურაბიშვილის წინამორბედ პრეზიდენტთან, ასევე ეს ყველაფერი პატრიარქთან და მის გარემოცვასთან შეთანხმებით მოხდა. პატრიარქი მიუხედავად იმისა, რომ ერს ჰგონია, რომ არის მოსიყვარულე მამა, ის არის შურისმაძიებელი ადამიანი. ეს არის შურისძიება მამა გიორგი მამალაძის მიმართ. მიუხედავად იმისა, რომ ღრმად მოხუცებულობაშია, პატრიარქს ღვთის შიში აქვს დაკარგული. მას ეშიანია მხოლოდ მისი მდგომარეობის, იმ პატივის და კერპის დაკარგვის, რომელიც მან შექმნა 42 წლის განმავლობაში. საბჭოთა პატრიარქმა რა კერპიც შექმნა საქართველოში, ამის დანგრევის ეშინია", — განაცხადა მეუფე პეტრე ცაავამ TV პირველის ეთერში.

დღეს ცნობილი გახდა, რომ რამდენიმეთვიანი მორატორიუმის შემდეგ პრეზიდენტმა საშობაოდ 5 მსჯავრდებული შეიწყალა. თუმცა, საპატრიარქოს შუამდგომლობის მიუხედავად, შეწყალებულთა შორის ვერ მოხვდა დეკანოზი გიორგი მამალაძე.