დღეს რამდენიმე ინტერნეტგამოცემამ გაავრცელა ინფორმაცია იმასთან დაკავშირებით, რომ 2017 წლის პირველი ივლისიდან კაფეებში, სასტუმროებში, სალონებსა და სხვა საზოგადოებრივ თუ საჯარო სივრცეში თამბაქოს მოწევა სრულად ან ნაწილობრივ აიკრძალება.

ჩვენ დავუკავშირდით დაავადების კონტროლის ცენტრს, რომლის დეპარტამენტის უფროსმა ლელა სტურუამ განგვიცხადა, რომ სავარაუდო ცვლილების შესახებ მას არაფერი სმენია:

"არ ვიცი რა ინფორმაცია გავრცელდა, ვერ გეტყვით. ჩემთვის არაა ცნობილი ეს ფაქტი".

მეტროებში გამოკრულია პეტიციის სარეკლამო ტრანსპარანტი, რომელიც თამბაქოს აკრძალვის მოთხოვნით გამოდის. პეტიციის ხელმომწერი ორგანიზაციები არიან დაავადების კონტროლის ცენტრი და თამბაქოს კონტროლის ჩარჩო-კონვენციის იმპლემენტაციისა და მონიტორინგის ცენტრი.

ფოტო: On.ge