თიანეთის მერმა, თამაზ მეჭიაურმა ყოფილი დეპუტატი ზაქარია ქუცნაშვილი შეურაცხმყოფელად მოიხსენია. პირად ფეისბუქგვერდზე მან გამოაქვეყნა მეჭიაურისა და მისი ფოტო წარწერით:

"ბოლო-ბოლო, ან კანდიდატურა დააყენე, ან **აკი! მით უფრო, კვლავ შენი წელი დადგა", — წერს მეჭიაური.

გარდა ამისა, თიანეთის მერი წერს, რომ თვითონ კანდიდატურას აყენებს. On.ge ცდილობს დაუკავშირდეს მეჭიაურს და დეტალურად გაარკვიოს რა გახდა მასსა და ქუცნაშვილს შორის ახალი დაპირისპირების მიზეზი.

პირველად მეჭიაურმა ქუცნაშვილს შეურაცყოფა მაშინ მიაყენა, როცა ორივე მათგანი მოქმედი დეპუტატი იყო. მეჭიაური ამბობდა, რომ ქუცნაშვილი ქართულ ოცნებაში მისი რეკომენდაციით მიიღეს, თუმცა არ დაუფასა. ის ქუცნაშვილს "წარაკუასა" და "ცუილას" უწოდებდა.

შეგახსენებთ, რომ ზაქარია ქუცნაშვილმა დეპუტატის მანდატი და ქართული ოცნებას მას შემდეგ დატოვა, რაც მისი ინიციატივით ჩატარებული მართლმადიდებლობის საპარლამენტთაშორისო ასამლეის დროს სერგეი გავრილოვი პარლამენტის სპიკერის სკამში ჩაჯდა, სპეცრაზმმა კი საპროტესტო აქცია დაშალა.