დღეს, 27 დეკემბერს, თბილისის საკრებულოში დედაქალაქის ბიუჯეტის განხილვა კახა კახალაძის ქების ფონზე წარიმართა. მმართველი პარტიის დეპუტატები თბილისის მერს გაწეული სამსახურისთვის მადლობას უხდიდნენ. ქართული ოცნების ერთ-ერთმა დეპუტატმა, რიმა ბერაძემ კი სამადლობელი სიტყვით მიმართვისას მერს უთხრა, რომ კალაძე "თავის საქმის მერი ბავშვობიდან იყო".

დედაქალაქის ბიუჯეტის განხილვისას ბერაძემ არა მხოლო კალაძის თბილისის მერობა შეაფასა, არამედ ისიც ახსენა, თუ როგორ საქმდებიან ქართველები იტალიაში კახა კალაძის "პიროვნული ღირსების" გამო.

"ესაა თქვენს მიერ განვლილი გზა, ესაა თქვენი პიროვნული ღირსება. მადლობა ამისთვის. კაცი სიტყვით, საქმით და ოჯახით ფასდებაო — ნათქვამია ოდითგანვე. ხალხის სამსახური ყველაზე ღირსეული სამსახურია, რაც შეიძლება ადამიანმა აკეთოს. ჩვენ კი უნდა დავაფასოთ წარმატებული თანაგუნდელები. თქვენ გენდობათ ხალხი და უყვარხართ სრულიად საქართველოს. ამას მე თამამად ვამბობ. თქვენ, თქვენი საქმის მერი ბავშვობიდან იყავით", — განაცხადა რიმა ბერაძემ.