თბილისის საკრებულოს ქართული ოცნების წევრისა და ქართული ოცნების ახალგაზრდული ფრთის ლიდერის, გიორგი ჩაკვეტაძის შეფასებით, სამოქალაქო აქტივისტები და ოპოზიციის წევრები 10-15 ადამიანის დონეზე ცდილობენ დაძაბულობის შექმნას. ასე გამოეხმაურო ჩაკვეტაძე სამოქალაქო აქტივისტებისა და ოპოზიციის წევრების მიერ დეპუტატ ერეკლე კუხიანიძის კაბინეტში კარვის გაშლას.

"რეალურად დაძაბულობა არ არსებობს. ჩვენ გქონდა ფრაქციის სხდომა, რომლის ფარგლებშიც ვიმსჯელეთ ერეკლე კუხიანიძის განცხადებასთან დაკავშირებით. მომდენო დღეეებშიც ვიმსჯელებთ ამ საკითხზე. მთელი გუნდი ემიჯნება მის კონკრეტულ განცხადებას და ჩვენ ამ საკითხთან დაკავშირებით აუცილებლად გვექნება დამატებითი განცხადებები", — განაცხადა ჩაკვეტაძემ.

დღეს, 17 დეკემბერს, სამოქალაქო აქტივისტებმა და ოპოზიციის წევრებმა დეპუტატ ერეკლე კუხიანიძის კაბინეტში კარავი გაშალეს. ისინი მოითხოვენ, რომ საკრებულოს ქართული ოცნების წევრმა, ერეკლე კუხიანიძემ თანამდებობა დატოვოს. სამოქალაქო აქტივისტები მოგვიანებით საპატრულო პოლიციამ და დაცვის თანამშრომლებმა ოთახიდან ძალით გამოიყვანეს. მათ შორის იყო ლევან ხაბეიშვილიც, რომელსაც შენობაში აღარ უშვებენ. საკრებულოს დეპუტატმა ლევან ხაბეიშვილმა კი თბილისის საკრებულოს შენობა "დააბოქლომა".