უმრავლესობის ყოფილი და ამჟამად ფრაქცია დამოუკიდებელი დეპუტატების წევრი, ზვიად კვაჭანტირაძე ამერიკელი კონგრესმენების კრიტიკულ წერილზე ამბობს, რომ რაც პოლიტიკაშია, "მსგავსი სიმკაცრის, ხასიათისა და ტონალობის წერილი", არ ახსოვს.

მისივე თქმით, კონგრესმენების წერილის მთავარი მოტივი "შეცდომების ის გაუთავებელი ჯაჭვი" იყო, რომელსაც ხელისუფლება უშვებს.

"ეს საკმაოდ სერიოზულად დასაფიქრებელი ფაქტია. ეს არის ის ხედვა, რომელიც კონგრესში ჩვენს კოლეგებს საქართველოდან მიღებული ინფორმაციიდან გამომდინარე დარჩათ. შეიძლება ამ წერილში ზოგიერთი რამ ზედმეტად იყოს გადაფასებული უარყოფითი თვალსაზრისით, მაგრამ ეჭვი არ მეპარება, რომ ჩვენი ქვეყნის მეგობრების მიერ გამოთქმული კრიტიკა უნდა მოვისმინოთ. ამ წერილის მთავარი მოტივი იყო ", — განაცხადა კვაჭანტირაძემ.

გუშინ, 16 დეკემბერს კონგრესმენებმა ადამ კინზინგერმა და ჯერალდ ე. კონოლმა საქართველოს პრემიერ-მინისტრს, გიორგი გახარიას წერილით მიმართეს. მათ პრემიერი პროპორციულ სისტემაზე გადასვლის დაპირების შეუსრულებლობის გამო გააკრიტიკეს. მათივე წერილში აღნიშნულია, რომ გასაპროტესტებლად ქუჩაში გამოსულ ხალხს "მოძალადე ბოროტმოქმედები დაუპირისპირეს".