ეკონომიკის მინისტრი, ნათია თურნავა უმრავლესობიდან დღეს წასული დეპუტატ ალექსანდრე ერქვანიასგან კრიტიკას შავი პიარის ნაწილად აფასებს.

"ეს არის სიცრუე", — განაცხადა მინისტრმა.

ალექსანდრე ერქვანიამ საპარლამენტო უმრავლესობის დატოვების შესახებ პლენარულ სხდომაზე განაცხადა. წასვლის ერთ-ერთ მიზეზად მან თქვა, რომ ხელისუფლებამ "ქვეყნის აღმშენებლობაში" ეკლესიის როლი ვერ გააცნობიერა.

მისივე თქმით, ქართული ოცნების თავმჯდომარე ბიძინა ივანიშვილმა მოითხოვა, რომ ეკლესიაში არსებულ თემებს ტაბუ მოხსნოდა და საზოგადოებისთვის პატრიარქის კრიტიკა მისაღები გამხდარიყო:

"დღეს ხელისუფლების მხრიდან გაკეთებული ეკლესიისა და პატრიარქის მხარდამჭერი განცხადებები წინასაარჩევნო თვალთმაქცობაა. როცა ეკლესიის მტრები პატრიარქს ცილს სწამებდნენ ხელისუფლება მშვიდად უყურებდა ამ პროცესს და არაფერს აკეთებდა მის შესაჩერებლად".