სულ ცოტა ხნის წინ ამერიკის კინოაკადემიამ ოსკარის 92-ე დაჯილდოების 9 ნომინაციის ნახევარფინალისტები დაასახელა და მათ შორის საუკეთესო უცხოენოვანი მხატვრული ფილმის ნომინაციაში ლევან აკინის And Then We Danced და დიტო ცინცაძის შინდისი ვერ მოხვდა.

ქართულ-შვედური პროექტი And Then We Danced წელს ოსკარზე შვედეთის სახელით იყო გაგზავნილი, საქართველოს კანდიდატი კი აგვისტოს ომზე გადაღებული ფილმი შინდისი იყო.

საუკეთესო უცხოენოვანი მხატვრული ფილმის ნახევარფინალისტები გახდნენ:

  • ჩეხეთი — The Painted Bird
  • ესტონეთი — Truth and Justice
  • საფრანგეთი — Les Misérables
  • უნგრეთი — Those Who Remained
  • ჩრდილოეთ მაკედონია — Honeyland
  • პოლონეთი — Corpus Christi
  • რუსეთი — Beanpole
  • სენეგალი — Atlantics
  • სამხრეთ კორეა — Parasite
  • ესპანეთი — Pain and Glory

დასახელებული ფილმებიდან მხოლოდ ნახევარი გააგრძელებს ბრძოლას გამარჯვებისთვის. ამ რჩეული ფილმების შესახებ კი 13 იანვარს გავიგებთ, როცა ოსკარების 2020 წლის ნომინაციების სრული და საბოლოო სია გამოქვეყნდება.