ქალაქ ტურინში ფიგურული სრიალის გრან პრის ფინალში ქართველმა წყვილმა, გიორგი რევიამ და მარია კოზაკოვამ ოქროს მედლები მოიპოვეს. უინიორების კატეგორიაში მათ ამერიკელ და რუს მეტოქეებს აჯობეს.

გრან პრის ფინალზე ეს საქართველოსთვის პირველი ოქროს მედალია.

გრან პრის ფინალი მნიშვნელობით თითქმის მსოფლიო ჩემპიონატს უტოლდება და მასში მსოფლიოს საუკეთესო ექვსი დუეტი მონაწილეობს.

მარია კაზაკოვასა და გიორგი რევიას უშეცდომო გამოსვლა ჰქონდათ. მათ მეორე ადგილზე გასულ წყვილს 0.4 ქულით აჯობეს.

გრან პრი შეჯიბრებათა ეტაპების სერიაა და ფინალურ ექვსეულში მოსახვედრად საჭიროა ორ ეტაპზე საუკეთესო შედეგები დააგროვო. ეს ფაქტობრივად ყველა ეტაპზე მედლის აღებას გულისხმობს.