მუსიკოს მიხაილო თოდუა შინაპატიმრობის პირობებში პირველ ღონისძიებას გამართავს. მსმენელის წინაშე ის 14 დეკემბერს MONO HALL-ში წარდგება.

როგორც მუსიკოსი რუსთავი 2 უყვება, ღონისძიების ჩატარებისთვის სპეციალურ პენიტენციურ სამსახურსსთხოვნით მიმართა.

"ფინანსურადაც ჩემი შემოსავლის ერთადერთი წყარო არის მუსიკალური მხარე, დაკვრა და ა.შ. მომცეს უფლება, რომ 14 დეკემბერს, ერთი დღით მივიღო მონაწილეობა ჩემს პირველ "ივენთში" და დავუკრა", — ამბობს თოდუა.

მუსიკოსი მიხეილ თოდუა (მიხაილო) 2013 წლის სექტემბერში 12 გრამი MDMA-სთვის დააკავეს და 9-წლიანი პატიმრობა მიუსაჯეს. მას საპროცესო შეთანხმება შესთავაზეს, თუმცა, 20 ათასი ლარის არქონის გამო სასჯელს საპატიმროში იხდიდა. სამი წლის მოხდის შემდეგ თოდუამ საპატიმრო დაწესებულება 11 ოქტომბერს დატოვა, ხოლო დარჩენილი ვადა შინაპატიმრობით შეეცვალა.

საპატიმრო დაწესებულებაში ყოფნის პერიოდში მიხაილო თოდუამ სტუდია მოაწყო და 9 ალბომი ჩაწერა.