ყოფილი ბიზნესომბუდსმენი, ირაკლი ლექვინაძე კონკურენციის სააგენტოს ახალი ხელმძღვანელი გახდა. ლექვინაძემ ბიზნესომბუდსმენის თანამდებობა 11 ნოემბერს დატოვა.

როგორც განცხადებაშია აღნიშნული, ლექვინაძე სააგენტოს ხელმძღვანელად საქართველოს პრემიერ-მინისტრის გიორგი გახარიას ბრძანების შესაბამისად დაინიშნა.

წლების განმავლობაში ლექვინაძე იყო საქართველოს ბიზნესომბუდსმენი, დედაქალაქის მერის მოადგილე, არაერთი საერთაშორისო პროექტის ხელმძღვანელი, ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტი.

კონკურენციის სააგენტოს წინა თავმჯდომარე, ნოდარ ხადური მიმდინარე წლის სექტემბერში 49 წლის ასაკში გარდაიცვალა.