"საერთოდ ვინ არიან კობახიძე და ვოსლკი", — ასე უპასუხა ევროპული საქართველოს ლიდერმა, გიგა ბოკერიამ მმართველი პარტიის ლიდერების, გია ვოლსკისა და ირაკლი კობახიძის რჩევას, რომ ოპოზიციამ აქციების ნაცვლად საარჩევნო სამზადისი დაიწყოს და რეგიონებში ხალხს შეხვდეს.

"ეს [ვოსკი და კობახიძე] არინ პოლიტიკური მონები, მცირე მასშტაბის უნიჭო რობოტები, რომლებიც მუდმივად შეურაცხყოფას აყენებენ საზოგადოებას ივანიშვილის დავალებით. მათი სიტყვების ფასი არის ნოლის ტოლი", — განაცხადა ბოკერიამ პარლამენთან მიმდინარე აქციაზე რუსთავი 2-თან საუბრისას.

პარლამენტთან ოპოზიციისა და სამოქალაქო საზოგადოების საპროტესტო აქცია — ყველა მინუს ერთი დაიწყო. გარდა ამისა, 17 საათზე პატრიოტთა ალიანსის ორგანიზებით საპროტესტო აქცია დაიწყება რესპუბლიკის მოედანზე.

პარლამენტში შენობაში უკვე განლაგებულია გაძლიერებული საპოლიციო ძალები. საკანონმდებლო ორგანოში სპეცრაზმმა იარაღიც შეიტანა. საპატრულო პოლიციის უფროსი, ვაჟა სირაძე ამბობს, რომ პარლამენტში ცეცხლსასროლი იარაღი არ არის.