ქართული ოცნების პროპორციული სიის მეოთხე ნომერი, საქართველოს ახალგაზრდა იურისტთა ასოციაციის ყოფილი თავმჯდომარე, თამარ ჩუგოშვილი კვირის პალიტრასთან ინტერვიუში აფასებს დავით უსუფაშვილის განცხადებას, რომ ბიძინა ივანიშვილმა რესპუბლიკური პარტია "ურჩობისთვის დასაჯა":

"როგორც ადგილობრივი, ისე საერთაშორისო დამკვირვებლები ერთად აცხადებენ, რომ არჩევნები თავისუფალ და სამართლიან გარემოში ჩატარდა. გულდასაწყვეტია, რომ საკუთარი შედეგების სხვისთვის გადაბრალებას ცდილობენ".

როგორც ჩუგოშვილი ამბობს, ქართული ოცნების, რესპუბლიკელებისა და თავისუფალი დემოკრატების საგარეო კურსი ერთმანეთს ემთხვევა, თუმცა ის სამწუხაროს უწოდებს იმ ფაქტს, რომ მათ მიერ ამომრჩევლის ხმების მოზიდვის ფორმამ არ გაამართლა.

თამარ ჩუგოშვილი ასევე აფასებს პატრიოტთა ალიანსის პარლამენტში მოხვედრის ფაქტს:

"პარლამენტისთვის უკეთესი იქნებოდა, მრავალპარტიული ყოფილიყო, თუმცა ამას მხოლოდ ამომრჩევლის ნება წყვეტს, სამი პოლიტიკური ძალის უმაღლეს საკანონმდებლო ორგანოში მოხვედრა საზოგადოების არჩევანია და ეს ვითარება უკეთესია, ვიდრე პარლამენტში მხოლოდ ორი მხარის წარმოჩენა - ასეთ შემთხვევაში მეტია შანსი, პოლიტიკური პროცესის პოლარიზება მოხდეს".